Ad Sanctum Philippum Nerium

Congregationis Oratorii Fundatorem, Totius Cleri, & Neapolitanæ Civitatis Patronum.

HYMNUS.

SAlve tuorum Ductor, o Sodalium;
Et Sanctitatis Lilium.
Qui te creavit, te donavit omnium
Miraculorum munere.
Te totus Orbis gestiendo quæritat
Amplexibus restringere:
Vitæ datorem, & mortis ad subsidium
Nos te fatemur servuli.
Jam morti raptus surgit in consortium,
Et prædicat miracula.
Deinde morti exsuscitatus traditur,
Ut pergat ad Cœli agmina.
Quicunque languet æger à te ducitur
In sanitatem pristinam.
Chiragra membris defugit velociter.
Et calculorum punctio.
Oppressa partus asperis doloribus
Fœtum parit cum gaudio.
Quidquid perniciosum nobis imminet;
Per te pium non accidit.
En, te jubente, irata parcunt æquora,
Et naufragum non obruunt.
Laruata gens mortalium non angitur
A diris infestantibus;
Nam tu repellis, qui fatigant dœmones;
Et territas ludibrio.
Si pauper ad te pane currit indigens,
Expletur abundantia.
E cœlis ipse, ut pauper, missus Angelus;
Quæ tu largiris, percipit.
Benignitatis hoc exemplo concitus;
Dives donat, quæ possidet.
Divina Christi lex, fidesq; incredulis
Pectoribus diffunditur.
Occulta cordis, quæq; sunt absentia
Panduntur, ut præsentia.
Impuritas celata longè noscitur
Odore, ut in se concidat.
Cui pectus ardet charitate prodiga;
Et ipsamet præcordia.
Assiste nobis te rogamus fervidi
Protector invocantibus.
Asperge cunctos rore Sancti Spiritus
Devotionis copia.
Vt castitas servetur intra limites.
Felicitantis gaudii.
Cùm te relapsis gratiam deperditam
Conduplicatam porrigis;
Contritionem corde duris impetras,
Trahisq; ad pænitentiam.
Servetur supplex Civitas Neapolis
Tuo benignò sidere.
In qua tu natus fèlix ò Florentia,
O ROMA felicissima.
In qua vivendo purpuras non accipis,
Dum diligis cœlestia.
Qui sede Cœlum hinc advolasti candidus
Ad te Fideles subleva.
Sit summa virtus Trinitati gloria.
In sæculorum sæcula. Amen.

ANTIPHONA.

ISte Sanctus Deo, & Virgini Matri consecratus; cujus cor Divini Amoris æstuans incendio intra suos fines se continere non potuit; nunc in cælis beatus facie ad faciem suo dilecto fruitur, in quem vivens in terris desiderabat unà cum Angeli prospicere:

℣. Ora pro nobis Beate Pater PHILIPPE.

℟. Vt digni efficiamur promissionibus Christi.

OREMUS

DEus, qui charitatis igne Sancti PHILIPPI Nerii pectus vulnerasti; hujus meritis tui amoris flamma corda nostra, quæsumus, miseratus, accende, ut temporalia relinquentes, ad te summum bonum aspirare valeamus. Per Christum Dominum nostrum, Amen.