Hymn to St. Philip Neri

From Novena di varj / St. Philip Neri Devotions, compiled by Tommaso Pagani, 1724

Offer for someone

Thank you.

Report a mistake

Novena di varj / St. Philip Neri Devotions unit 3

Source

Printed in	Novena di varj / St. Philip Neri Devotions
Imprint	Napoli ("NAP."), Stefano Abbate (printer: "NAP. Per Stefano Abbate"), 1724
Scan	the Internet Archive copy
Approval	Rever. D. Christophorus Albanus Abb. S. Jan. ad Ulmum revideat, & referat Neap. 13. Sep. 1724. D. Antonius Can. Castell. Vic. Gen. / D. Petrus-Marcus Giptius Can. Dep. Attenta supradicta relatione, Imprimatur. Neap. 22. Octob. 1724. D. Petrus-Marcus Giptius Canon. Dep. Visa relatione Imprimatur; & in publicatione servetur Regia Pragmatica. MAZZACCARA REG. ULLOA REG. ALVAREZ REG. GIOVANE REG. PISACANE REG, SOLANES REG. Provisum per S.E. Neap. 19. Decemb. 1724. Ill. Miro absens. Mastellonus: PRI- Eminentissime Domine ... Datum Neap. XXI. mensis Octob. MDCCXXIV. (Albanus/Giptius letter; Benedetto XIII named as dedicatee of the work)
Transcription	Transcribed from the scan of the 1724 edition.
Rights	Public domain in the United States.

Saints: St. Philip Neri
Prayers for: a happy death, forgiveness of sins, mercy, contrition, deliverance from evil, love of God, salvation

Martin Schongauer, The Archangel Michael Piercing the Dragon, about 1475. Cleveland Museum of Art.

Charitatis flagrans igne,
O PHILIPPE, Ecclesiæ gloria
Tui psallentium in memoria
Hymnos excipe benignè.

Florum Urbs te genuit florem
Illibatæ puritatis.
Miræ tuæ suavitatis
Fundis quippè ubique odorem:

Flos, omnigenæ virtutis
Rore nitido perfusus:
Aura Cœli circumfusus:
Ipso in Vere juventutis.

Instar Abrahæ, patrio solo
Terga vertis, ac divitiis:
Cintus zelo, infensus vitiis
Premis terrea, intentus polo:

Ad Theatrum Orbis pergis.
Nullo sanè ambitu ductus.
Sanctimoniæ gignens fructus,
Quasi Apostolus emergis.

Tu Innocentiæ simulacrum
Labem nunquam contraxisti:
Tamen cor semper tersisti
Condens lacrymis lavacrum.

Quia ut spiritum foveres,
Sancto carnem odio macerans,
Artus flagris dirè lacerans.
Pœnitentiæ, ut retis adhæres.

Nos hinc noxii compungamur,
Cum te innoxium punientem,
Teque in ipsum sævientem
Obstupentes contemplamur.

Tuo fulgore Urbem illustras,
Fugans nubila inhonesta:
Nocte surgens intempesta
Cryptas Martyrum perlustras.

Hìc scientiam Sanctorum
Christi edoctus tu Sectator,
Clero eximius reformator
Factus es: regula morum.

Nova hìc aperis lycæa
Veræ dogmatum Sapientiæ,
Jugo subditæ licentiæ
Mille assequeris trophæa.

Hìc in Vineæ Dei cultura.
Operarius primo mane,
Sacro Alumnos Christo pane
Incessanti nutris cura.

Mitis increpas correptor:
Corda rapis fur cœlestis:
Dictis paritèr, ac gestis
Doces optimus Præceptor.

Invictissima constantia
(Heù cupido erubeat nostra)
Vaticani respuis ostra,
Se contemni altè admirantia.

Fiunt Seraphicis concordia
Divi Amoris in te incendia,
Quorum sunt in tuo compendia
Fracta pectore præcordia.

Eja respice tuorum
Pater pie, demissa vota:
Per te obtineat mens devota
Civium gaudia supernorum:

Per te à Deo mæstis ploratibus
Proni poscimus clementiam:
Redemptoris indulgentiam
Nostris impetra reatibus.

Quo renìdes; da scintillam
Nobis Cœlici nitoris:
Ex quo exæstuas, almi ardoris
Vibra algentibus favillam.

Orci, & Mundi actus everte:
Hostium reprime furores,
Terræ cohibe tremores:
Cuncta à nobis mala averte:

Trino Deo sit laus decora,
Qui PHILIPPI det præsidium
Juge nobis, & subsidium
In tremenda mortis hora.

Amen.

Manualist Press is a small family press. If these pages help you pray, you can support the work.